Ipinupursige ni Parañaque 2nd District Rep. Brian Yamsuan an paggamit nin modernong teknolohiya sa urban farming tanganing mapakusog an suplay asin magkaigwa nin abot-kaya asin masustansyang pagkakan para sa mga komunidad.
Nagsumite siya nin House Bill No. 9473 na an katuyuhan iyo na gibuhon na permanenteng programa kan gobyerno an National Urban Agriculture and Peri-Agriculture Program (NUPAP).
An panukala nagmamawot na masiguro an tuloy-tuloy na pondo asin implementasyon kaini.
Iminungkahi ni Yamsuan na pwedeng gamiton an mga bakanteng lote sa mga barangay bilang taniman nin gulay.
Makakatabang ini sa pangangaipo nin pagkakan kan mga pamilya asin makakagibo nin pagkakakitaan sa paagi kan pagbenta kan mga ani.
Lininaw niya na an urban farming bakong katuyuhan na ribayan an mga paraoma, kundi dugangan an mga lakdang kan gobyerno para masiguro an seguridad sa pagkakan.
Binanggit kan solon an signipikanteng pagbaba kan panukalang pondo kan NUPAP, kaya kaipuhan an regular na pondo asin pagpalawak kan paggamit nin mga espasyo para sa urban agriculture.
