Laoman an mga pag-uran sa nagkapirang parte kan nasyon ngunyan na Huwebes Santo, Abril 2, 2026 na kawsa kan mga easterlies o mainit na doros na hale sa Kadagatang Pasipiko, segun sa Philippine Atmospheric, Geophysical and Astronomical Services Administration (PAGASA).
Base sa forecast kan state weather bureau, makakaeksperyensiya nin medyo mapanganuron sundo sa mapanganuron na kalangitan an Batanes na may paminsan-minsan na maluyang pag-uran huli sa bulos kan duros haling norte-sirangan, alagad warang piglalaoman na dakulang epekto.
Mientrastanto, an Ilocos Region, Cordillera Administrative Region, asin iba pang parte kan Cagayan Valley makakaeksperyensya nin medyo mapanganuron sundo sa mapanganuron na kalangitan na may pulo-pulong mga pag-uran o pagkikilat-pagdaguldol dara kan localized thunderstorms.
Makaeksperyensya man nin kaparehong kamugtakan kan panahon an Metro Manila asin an iba pang parte kan nasyon huli sa mga easterlies.
Nagpatanid an weather bureau na an mga makusog na bagyo pwedeng magcausa nin biglang baha o landslide.
Idinagdag pa kan weather bureau na an extreme Northern Luzon makakaeksperyensya nin katamtaman na duros asin alon, mantang an natatadang parte kan nasyon makakaeksperyensya nin maluya sundo sa katamtaman na duros asin maluya sundo sa katamtaman na kondisyon kan kadagatan.
