Pinagbotohan kan gabinete kan Israel an pag-aproba sa sarong kasunduan sa Gaza ceasefire asin hostage release kan nakalihis na aldaw nin Sabado, an pagtatapos kan mga aldaw nin katibaadan kun magigin epektibo an nasmabitan ng truce.
An ceasfire nakatalaan na magpuon ngunyan na aldaw nin Domingo para sa opisyal na pagpundo kan mga pakikipaglaban o anuman na kariribokan dara kan gera sa Gaza.
Ini man paagi sa dagusan ng pagpapalibre kan mga hostages magpuon kan pag’atake kan Hamas kan Oktubre 7, 2023 sa Israel komo karibay kan ginatos na mga preso na Palestinian gikan sa mga bilanggoan kan Israel.
An justice ministry nagpublikar nin sarong lista kan 95 na mga Palestinian na papatalingkason poon ngunyan na aldaw.
Kabali digdi an 69 babae, 16 lalaki asin 10 menor de edad.
An mga welga kan Israel nakagadan nin dinosena poon kan an kasunduan sa untok putaan ianunsyar.
An truce piglaomang magin epektibo sa bisperas kan inagurasyon ni Donald Trump, na nag-ako nin kredito sa pakikipagtabangan sa grupo kan outgoing US President Joe Biden tanganing maselyohan an nasambitan ng kasunduan.
