Nagtugot na an Israel sa limitadong pagbubukas kan Rafah border crossing sa pag-ultanan kan Gaza asin Egypt sa oras na marekober na kaini an lawas kan huring hostage sa Palestinian territory.
An pagbubukas kan Rafah na vital entry point kan tabang pasiring sa Gaza an parte kan truce framework na pig-anunsyar ni US President Donald Trump kan Oktubre.
Pauro-utro na pig-enkaminar kan mga nagbibisitang US envoys an mga opisyal sa Israel na buksan na an crossing.
Siringman kaini an pangapudan kan mga world leader asin aid agencies para sa mas kadakol na humanitarian convoys na makakalaog sa Gaza na nagkukulang na sa mga medical equipment, pagkakan asin iba pang suplay duwang taon makalihis na magbungkaras an giyera.
Pigsaysay man kan opisina ni Prime Minister Benjamin Netanyahu na an Israel an nagtugot na sa reopening alagad para sa pedestrian passage sana na subject para sa inspeksyon.
