Ipinagsugo na ni Israeli Prime Minister Benjamin Nentayahu an mga negosasyon tangani puonan an pagpapalaya sa gabos nin natatadang mga bihag asin pagwawakas na kan giyera sa Gaza sa irarom kan mga kondisyong kaako-ako sa Israel.
Sinaysay man ni Netanyahu sa saindang mga tropang suldados kan nakalihis na banggi na inaprubaran na kan saiyang gabinete an plano para sa mahewasang pag-atake sa Gaza City sa hilagang parte kan teritoryo tangani daugon an Hamas asin palayaon kan gabos nin bihag sa ibong pa nin pagtutol kan international asin domestic organizations.
Marurumduman na nagtugot an Hamas sa propwesto kan Qatari asin Egyptian mediators para sa 60 aldaw na ceasefire kan nakalihis na Lunes, na susog sa Qatar an nahihiling mataong dalan para sa pagpapalaya sa kabanga kan natatadang mga bihag sa Gaza.
Alagad, dae pa pig aako ni Netanyahu sa ngunyan an nasambitan ng proposal.
Nagtutubod an Israel na sulamenteng nasa 20 gikan sa 50 mga bihag na sana an nabubuhay makalihis an 22 bulang giyera sa pag-ultanan kan Israel asin Hamas.
