Nakapreparar an Italy na magtabang oras man na magtugot an Vatican sa suhestiyon ni US President Donald Trump na mamagitan ini sa pag-uulay katakod sa ceasefire sa pag ultanan kan Ukraine asin man Russia.
Sigun sa opisina ni Prime Minister Giorgia Meloni, andam an Italy na mag-facilitate kan contacts asin man makipagtabangan pasiring sa katuninungan sa Ukraine asin man nahihiling kaini komo positibo an sinabi ni Pope Leo XIV kan nakalihis na semana na pirmeng andam an Vatican na pagkasunduon an magkalaban asin man gigibuhon an gabos nin paagi tangani mangenutan an katrangkiluhan.
Inihayag man kan Holy See na an ideya kan pag-host o pag-mediate sa paguulay an sarong paglaom sa ngunyan kumparar sa ano man na konkretong plano.
Naenot man na inihayag ni Ukrainian President Volodymyr Zelensky na nakaulay na kaini si Meloni kun saen kabali sa saindang pinag-ulayan iyo man an posibleng plataporma para sa pag-uulay ninda kan Russians.
