Nakatalaan na magluwas nin bagong single si J-Hope kan K-pop supergroup na BTS na kun saen feature digde an Grammy-winning R&B singer na si Miguel sa bulan nin Marso.
An sonata na igwang titulong Sweet Dreams an nakatalaan na ipaluwas sa Marso 7, 2025.
Pigsasaladawan man an Sweet Dreams komo mixture kan R&B asin pop na nagpapahiling nin kamawotan sa totoong pagkamoot.
Katakod kaini, enot man na madadangog an kanta sa ikukundusir na Seoul shows para sa saiyang Hope On The Street tour na mangyayari sa KSPO Dome puon Pebrero 28 hasta Marso 2.
An nasambitan man na tour an naka-scheduled na gigubuhon sa Pilipinas kun saen an konsyerto an isasagibo sarong mall puon April 12 asin 13.
Marurumduman, si J-Hope o sa totoong buhay Jung Ho-seok an nagsikat komo rapper asin dancer kan BTS, saro sa mga matrayumpong K-pop boy bands.
An nasambitan ng grupo an pigmirar komo enot na boy band na nangenot sa US Billboard Hot 100 para sa saindang 2020 hit na Dynamite.
Mientrastanto, si Miguel man an bistado huli sa saiyang 2010 single na Sure Thing. Kan 2013, nanggana ini komo best R&B song sa Grammys sa paagi kan saiyang track na Adorn.
