Ikinaanggot kan Japan an delikadong pagma-maneobra kan fighter jet kan China na dikit pang tamaan an saindang eroplano sa Pacific Ocean.
Sigun ki Chief Cabinet Secretary Yoshimasa Hayashi na an J-15 Chinese warplane na gikan sa Shandong aircraft carrier an naglupad kan 45 meters harani sa saindang P-3C martime surveillance plane kan Japan.
An P-3C aircraft an pagsadiri kan Maritime Self-Defense Force kan Japan na nakabase sa isla kan Okinawa.
Nagsasagibo sana sinda nin surveillance sa international waters sa Pacific kan isinagibo kan Chinese warplanes an delikadong lakdang.
Bako sana ini an priomerong pagkakataon soboot na may ginibong panunupil an China sa sainda nin huli ta kan nakalihis na Sabado, hinabol kan Chinese J-15 warplanes gikan sa Shandong an saindang Japanese P-3C patrol aircraft kan haros 40 minuto.
Pigsierto man sinda kan Japanese government na imantindir ninda an marahay na komunikasyon sa China sa ano man na level asin idadagos pa man ninda an monitorng kan airspace na sakop kan Japan.
