Nagpromesa an gobyerno kan Japan na padagos na susuportahan an pag-asenso kan circular economy sa Pilipinas bilang simbag sa problema kan nasyon sa polusyon kan plastik.
Segun sa Embahada kan Hapon sa Pilipinas, papahingogon ninda an pakikipagtabangan kan Manila asin Tokyo tanganing maipalakop an circular economy model, kun saen an mga produkto nare-recycle asin ginagamit giraray, asin nabawasan an basura.
Sinabi ni Japanese Ambassador na si Endo Kazuya na an Hapon nakipaglaban man sa isyu kan pagmanehar kan basura asin ilinadawan ini bilang sarong ”global challenge.”
Sinabi kan Envoy na susuportahan kan Japan an Pilipinas sa pagmanehar kan marine plastic pollution bilang parte kan mas mahiwas na internasyunal na kooperasyon.
An Japan nagtatabang sa mga syudad arog kan Pasig sa paagi kan programang “Accelerating Nationally Determined Contributions through Circular Economy in Cities” na pig-implementar kan United Nations Development Programme (UNDP).
Kabali sa mga lakdang na pigtutulod kan Department of Environment and Natural Resources (DENR) asin mga grupo sa kapalibutan iyo an Extended Producer Responsibility Act, na nagpapanimbag sa mga kumpanya sa paggamit nin plastic packaging.
