Pigkoronahan an pambato kan Australia na si Jessica Lane komo bagong reyna kan kalikasan sa pigkundusir na Miss Earth 2024 kan nakalihis na nakalihis na Sabado sa Parañaque City.
Dinaog ni Lane an 75 na kalaban kaini sa kompetisyon, mantang pigribayan kaini an Albanian beauty na si Drita Ziri na nanggana kan nakalihis na taon.
Sa enot na record kan kompetisyon sa Top 20, pinahilingan na ni Lane an mga judges nin energized kaining hiro asin gayon sa saiyang 1-piece swimsuit.
Sa top 8 announcement kan evening gown competition, sulot kan Australian beauty queen an sky blue metallic na gown na iyo an nagpatingkad sa gayon kan Australian beauty.
Ini man an enot na kapangganahan kan Australia sa pigbistong ‘Big 4 important pageant’ sa kinaban kaibahan an Miss Universe (MU), Miss World (MW), Miss International (MI), asin Miss Earth (ME).
Mientrastanto, tolo pa an pigkoronahan komo elemental queens.
An pambato kan Iceland na si Hrafnhildur Haraldsdóttir an nagpuli sa Miss Earth-Air, Miss Earth-Water na si Bea Millan-Windorski gikan sa USA, asin Miss Earth-Fire na si Niva Antezana gikan sa Peru.
