Pigbuyagyag ni Jin kan BTS na saro ining dakulang tagahanga ni Bruno Mars asin gustong makipag-collaborate digdi kun matatawan nin pagkakataon.
Sa sarong entrevista, sinaysay ni Jin (Kim Seok-jin) na madalas ining kantaon an “Just the Way You Are” antes na ini nag-debut.
Nagustuhan man kaini an kantang “APT” na kolaborasyon ninda Bruno Mars asin Rose kan Blackpink Ipigheras man ni Jin na madalas kaining pigdadangog an sadiring album na “Echo”, na iniluwas kan nakalihis na Mayo, nin huli ta ngunyan sana kaini nadangog nin dirediretso.
Nagpepreparar na an K-pop star para sa saiyang concert tour na mapuon sa Goyang, South Korea ngunyan na bulan nin Hunyo, rason tanganing liwat ining magbalik sa pag eehersisyo.
Marurumduman na si Jin an pinakainot na miyembro kan BTS na nakatapos kan mandatory military service, asin puon kaidto nagin sibot na sa mga solo projects siring kan web variety show na “Run Jin” asin reality show na “Kian’s Bizarre B&B.”
Mientrastanto, kansuarin sana kan na discharge na man gikan sa military service sinda RM, V, Jimin, asin Jungkook, na nagpaogma sa saindang mga fans para sa tig aabangan na pagbabalik kan BTS komo kompletong grupo
