Nagbalik-tanaw nin igwang pagpapasalamat si Jodi Sta. Maria makalihis kaining makua an ikaduwang National Winner title komo Best Actress sa Asian Academy Creative Awards (AACA).
Nakua kaini an award ngunyan na taon sa saiyang pagganap sa UNTOLD, kasunod kan enot kaining pagkagana kan 2022 para sa The Broken Marriage Vow.
Sa Instagram, pigheras kan aktres kun gurano kaogma an milestone na ini.
Siringman pigheras man kan actress kun gurano kaini pigtatawan importansiya an bilog na eksperyensiya sa Asian Academy Creative Awards (AACA), puon sa pormal na pangyayari hasta sa makabuluhang pag-urulay sa likod kan entablado.
Katakod kaini, nag-paabot man si Jodi nin pagbati sa mga grand winners gikan sa Pilipinas.
Pigkundusir an Asian Academy Creative Awards (AACA) kan Huwebes, Disyembre 4, sa Capitol Theatre sa Singapore.
An taunang event an nagtatao nin awards sa mga natatanging trayumpo sa ladangan kan sining asin malikhaing produksyon, tampok an talento gikan sa 17 nasyon asin teritoryo sa Asia-Pacific region.
