Dae pa man giraray nawawara an kamawotan ni Filipino-American NBA player Jordan Clarkson na mapili liwat tanganing makapagkawat sa Gilas Pilipinas.
Pigsaysay kaini na sarong dakulang onra an mapili komo parakawat kan sadiring nasyon.
Dae na kaya bago si Clarkson sa Gilas huli ta nagsabak na ini kan 2023 World Cup of Basketball na pigkundusir sa Pilipinas.
Nagin pamilyar na man ini sa presenteng Gilas coach na si Tim Cone huli ta kan saiyang pagsabak sa koponan nagin assistant coach ini ni Chot Reyes.
Pig-omaw ni Clarkson si Cone huli sa magayon na komunikasyon asin an koneksyon kaini sa mga parakawat.
Pigtawan duon pa ni Clarkson na an mapili sa Gilas an sarong dakulang oportunidad.Sa ngunyan, naglalaom na sana ini na magin saro sa mga naturalized player kan Gilas huli sa ginigibong paghihigot kan FIBA.
