Labi an kaogmahan kan mga Filipino fans sa mga nagin events kan nagkapira sa mga K-pop asin K-drama stars kan nakalihis na bulan nin Agusto.
Sa presente labi na naman an excitement kan mga Pinoy sa mga naka lineup na aktibidad kan mga ini ngunyan na bulan nin Septyembre. Si Yves na primerong nagsikat komo member kan girl group Loona, an primerong ma bukas kan event ngunyan na bulan sa Manila leg kan saiyang “Cosmic Crispy” tour sa Samsung Hall, Taguig, sa September 2.
Mantang an boy group man na ASC2NT mapaogma kan saindang “Bloomed” Asia tour sa Pilipinas kan saindang Manila stop scheduled sa Teatrino Promenade sa papaabuton man na September 4.
Nakatalaan man na mag bisita nin nasyon an aktres na si Han So-hee para man sa saiyang “Xohee Loved Ones,” fan meeting sa Cove Manila sa Parañaque sa papaabuton man nin Septyembre 13. Mantang sa September 20, an mga aktor na sinda Lee Jae-wook asin Seo In-guk an nakatalaan man na mapakilig sa mga Filipino fans sa saindang kanya-kanyang fan meetings.
Babation ni Jae-wook an saiyang mga fans sa Newport Performing Arts Theater, mantang si In-guk man makundusir man saiyang event sa SM North EDSA Skydome. Mientrastanto, an TWICE members na sinda Jihyo asin Tzuyu an magpasiring man sa nasyon sa September 21 para man sa brand-organized event.
Na susundan man kan saindang group’s “This Is For” concert sa Philippine Arena sa bulan man nin Oktubre.
Sa presente man, an K-pop group na.XLOV, na bistado man sa saindang androgynous styling, pig anunsyar man an saindang September event sa Pilipinas, alagad sa presente mayo pa nin eksakting detalyes na pigpaluwas.
