Nakatalaan sa Setyembre an pagpupuon kan mandatory military service kan K-pop stars na si Hoshi asin Woozi kan sikat na boy band na SEVENTEEN.
Katakod kaini, sa September 15 nakatalaan na magpuon an active duty ni Woozi kasunod si Hoshi sa September 16.
Antes man an enlistment kan duwa, magkakaigwa an mga ini nin huring aktibidad siring kan fan concert tour na mapuon ngunyan na July hasta August sa South Korean siringman sa Taipei, Taiwan, asin Yokohama, Japan.
Makakaibahan man an duwa sa video call fan signing event tanganing i-promoter an panlimang album kan grupo na Happy Burstday na pigreleased kan May.
Si Hoshi asin Woozi an pantolo asin pang-apat na miyembro kan grupo na mapuon kan saindang military service, na mandatoryo para sa mga kalalakihan sa South Korea.
Marurumduman an saindang ka-grupo na si Jeonghan an enot na miyembro kan SEVENTEEN na naglaog sa military service kan September 2024 mantang pinuonan ni Wonwoo an saiyang serbisyo kan April 2025.
