Kinondenar ni Labor leader Ka Leody de Guzman an Wage Order No. 28 para sa Metro Manila, na sinasabing pabor ini sa mga kapitalista.
Pinunto niya na an P60 na dugang-sahod dai naisama an P25 hale sa naenot na Wage Order No. 27, na kuta nagresulta sa P85 na total.
Naantala an pagpapatupad kan dugang-sahod huli sa sarong injunction order na iniluwas kan Pasig RTC.
Sinabi ni DOLE Secretary Francis Tolentino na mayo sinda nin kapasidad na ibalik an naantalang dugang-sahod, huli ta an Korte Suprema an may poder sa isyung ini.
Giit ni Ka Leody na an aksyon kan gobyerno para sana sa kapritso kan mga kapitalista na gustong panatilion na hababa an sahod kan mga trabahador asin dai magsunod sa wage order.
Obserbasyon niya na marikas an aksyon kan gobyerno para sa kapakanan kan mga kapitalista, kabaliktaran sa mga trabahador na nagpapagal bago makua an saindang inaasahang sahod.
