Pigbuyagyag ni House Deputy Majority Leader Paolo Ortega V kan La Union an dugang pang mga kaduda-dudang pangaran sa listahan kan mga nag resiber soboot kan kabilogang P612.5 milyon na kantidad kan confidential funds gikan sa Office of the Vice President at Department of Education (DepEd).
Kabali sa mga tinukoy ni Ortega iyo an mga pangarang Honeylet Camille Sy, Feonna Biong, Feonna Villegas, Fiona Ranitez, Ellen Magellan, Erwin Q. Ewan, Gary Tanada, asin Joel Linangan.
Sigun ki Ortega, an nabanggit na mga pangaran an tila gikan o harani sa pangaran kan bistadong mga personalidad sa nasyon.
Para ki Ortega an pauro-utro na paggamit kan mga kaduda-dudang pangaran tangani matawan nin katwiran an paggastos kan confidential funds ay nagpapakusog sa hinala kan publiko na pigtuyo ini tangani itago kun saen napasiring an pondo.
Marurumdumang enot nang naibuyagyag an mga pangarang Mary Grace Piattos asin mga katanog na brand kan cellphone, grocery items, Team Amoy Asim asin iba na nakabugtak sa mga dokumentong isinumiter sa Commission on Audit kan OVP asin DepEd sa irarom kan pamamayo ni VP Sara.
