Nagadan na an pinaka-enot na Philippine eagle chick kan bagong National Bird Breeding Sanctuary (NBBS) sa Davao City, segun sa Philippine Eagle Foundation (PEF).
An 18-aldaw na lalaking agila nagadan kan Nobyembre 29.
“Sa hararom na kamunduan, ipinapakipag-ulay mi an pag-agi kan Chick 30, saro sa pinaka-mahal ming mga pisog kan Philippine Eagle,” sabi kan pundasyon sa saindang post.
Sinabi kan Philippine Eagle Foundation na si Chick 30, an aki ni Sinag asin Pin-pin, enot na nagpahiling nin normal behavior asin feeding patterns.
Alagad, kan Nobyembre 26, nagpoon ining magpahiling nin respiratory distress, kabali an kadepisilan sa paghangos asin pagbahing. An tulos na mga interbensyon, siring kan oxygen therapy asin fluid suctioning, nagpakusog kan saiyang kamugtakan.
An Chick 30 nagpisa kan Nobyembre 11, na iyo an pinakaenot na hilippine eagle chick na napisa sa sanctuary, na nag-operar sana kan Pebrero.
