NAGA CITY- Nagtitinir na problema kan Department of Education sa presente an kakulangan sa mga Guidance Counselor.
Sa entrevista kan Bombo Radyo Naga ki Atty. Salvador Bogs Pelingon, Division Information Officer kan DepEd CamSur, sinaysay kaini na kadakol na items an binaba kan Central Office para sa posisyon kan Guidance Counselor alagad an problema kulang an qualified professional guidance counselor.
Sigun pa ki Pelingon, halangkaw an salary grade kan Guidance Counselor kun saen nag-aabot sa P16-K alagad nasasakitan na mapanuan an posisyon nin huli ta mayo man nag-aapply.
Dugang pa kan opisyal, kaipuhan kaya na lisensyado o dapat pasado sa licensure examination an mawot magin full pledge guidance orog na ta mahigot na pigmomonitor ini kan COA.
Paliwang ni Pelingon,huli sa kakulangan kan mga guidance councilor orog na sa mga pampublikong eskwelahan an mga regular teachers an paramientras na tapagtaguyod kan programa mantang mayo pang Guidance Counselor orog na kun igwang mga kaso kan bullying.
Sa ngunyan, padagos an pag-ekaminar kan opisyal sa publiko orog na sa mga kwalipikado na tolos mag-apply sa DepEd huli ta importante soboot an papel na piggagampanan kan mga ini para sa ikakarhay kan mga estudyante.
