Aram baya nindo mga ka-Bombo, sarong grupo kan mga kalalakihan sa Georgia an nasungkit an Guinness World Record sa paagi kan pagkawat nin mayong untok na basketball game sa laog kan 121 oras asin 3 minutos.
An mga kalalakihan na ini an miyembro kan Atlanta-based nonprofit Men Opposing Sex Trafficking, o MOST kun saen saidang nakumpleto an kawat sa sarong gym sa Landmark Christian School sa Fairburn.
An nasa 23 na players nag-eedad 17 hasta 64 an pig-required na magtinir sa laog kan gym sa bilog na pagpurbar na maabot an record maski pa oras kan pagpahingalo.
Katakod kaini, an pinal na score nag-abot sa 13,096 kontra 12,972.
An kwarta na nakua gikan sa lakdang na ini an mapapasiring sa mga programa na nagtatabang asin nagsusuporta sa mga nagin biktima kan sex trafficking.
