NAGA CITY-Nakua an kalansay kan sarong dai pa nabibistong indibidwal sa Sitio Bukal, Brgy. Buenavista, San Narciso, Quezon.
Sa nagunong impormasyon kan Bombo Radyo Naga sa Quezon Police Provincial Office, napag-araman na nagtao soboot nin impormasyon sa San Narciso Municipal Police Station an Chairwoman asin mga opisyales kan barangay kan Barangay Buenavista na saro sa mga pamilya sa lugar an nakadiskubre nin kalansay kan sarong tawo harani sa saindang harong mantang nagkakalot para sa uring.
Basado sa inisyal na imbestigasyon ng mga awtoridad, nakua an kalansay sa rarom na 2 feet kun saen igwang pirang bado, pades nin tsinelas, toothbrush, asin bag na nakua sa kataid kaini.
Sa presente nagpapadagos pa an imbestigasyon manunungod an insidente.
