Pigheras ni House Speaker Ferdinand Martin Romualdez na nagpepreparar na an Kamara de Representantes tangani magsunad nin motion for reconsideration sa desisyon kan Korte Suprema na nagdeklarar nin impeachment complaint laban ki Vice President Sara Duterte.
Enot digde, idineklarar komo unconstitutional kan kataas-taasang hukuman an reklamo laban sa bise presidente.
Para sa mga mahistrado, binalgar kan Kamara an one-year ban sa impeachment proceedings.
Dae nasunod an dapat kuta na due process, kabali na an karapatang madangog ni VP Sara bago ipadara sa Senado an complaint.
Bagaman ibinasura an presenteng impeachment, pigtawang linaw kan Supreme Court na pwedeng magsunad liwat nin reklamo pagkatapos kan sarong taon.
Sigun man ki House spokesperson Princess Abante, an pagsusunad nin motion an parte kan saindang tungkulin tangani idepensar an Konstitusyonal na kapangyarihan kan Kongreso sa pagsasagibo nin impeachment.
Mientrastanto, pigsuhestyon kan nagkapirang lehislador, kabali si Sen. Francis “Kiko” Pangilinan, an paggamit nin Doctrine of Operative Facts komo argumento sa mosyon.
Obheto kaining bistuhon an mga epekto kan impeachment antes ini ideklarang unconstitutional, asin inkaminaron an Supreme Court na liwat pag-adalan an nasambitan ng desisyon.
