Piglinaw kan House of Representatives na dae ini nagsunad nin pormal na reklamo sa Ombudsman kontra ki Vice President Sara Duterte.
Pahayag ini ni House Spokesperson Atty. Princess Abante kasunod kan kasugoan kan Ombudsman ki VP Sara asin sa iba pang kawani ng Office of the Vice President asin Department of Education na magpaliwanag dapit sa isyu kan confidential funds.
Nakalaog sa dokumento kan Ombudsman an Kamara komo complainant.
Alagad sigun ki Abante, pinadarhan sana kan Kamara an Ombudsman asin iba pang kaukulang ahensya nin kopya kan committee report kan House Committee on Good Government and Public Accountability kan Hunyo 16.
Nakapalaog pa sa committee report an rekomendasyon na sunadan nin kasong criminal, sibil asin administratibo si VP Duterte asin iba pang mga embweltong indibidwal.
Kabali sa mga kasong tinukoy sa committee report an technical malversation, falsification, paggamit nin falsified documents, bribery, corruption, plunder, betrayal of public trust and culpable violation of the Constitution.
