Preparado na an House of Representatives para sa pormal na turnover kan prosopwestong 2026 National Expenditure Program (NEP) gikan sa Department of Budget and Management (DBM).
Ini an nagin pahayag ni House Secretary General Reginald Velasco makalihis an meeting kan mga opisyal kan Kamara asin mga representante gikan sa DBM.
Pinag-urulayan sa meeting an mga detalyes kan turnover na nakatalaan na gibuhon sa aga,Agosto 13.
Sigun ki Velasco, importanteng marhay na maikundusir an pagsusumiter kan ehekutibo nin proposed national budget sa Kongreso.
Basado sa pigtalaan na Konstitusyon, an Presidente an dapat magsumiter nin prosopwestong pambansang badyet sa laog kan 30 aldaw gikan sa pagbubukas kan regular na sesyon kan Kongreso.
Marurumduman, enot nang pigsaysay na magkakaigwa nin pagbabago sa proseso kan pagbilog kan pambansang badyet orog na ta pigbubusol an transparency sa gobierno sa presente.
