Aram baya nindo mga ka-bombo, naisalbar kan mga Bumbero sa Madrid an sarong kambing na napadpad sa sarong pasimano kan bintana na yaon sa ikalimang palapag kan sarong apartment building.
Basado sa report, tolos na nagresponde sa apod kan sarong building an nasambitan ng mga bumbero asin kan makaabot sa lugar digde na ninda nadiskubre an kambing na yaon sa pasimano sa luwas kan nakasaradong bintana pasiring sa sarong bakanteng apartment.
Katakod kaini, nagtitinir na misteryo sa mga bumbero kun panong naka-abot sa lugar an kambing.
Naggamit man nin carrots asin lettuce an mga ini gikan sa haraning balcony tanganing ma-control an hayop.
Makalihis na matrayumpong naisalbar an kambing, pig turn over ini sa Madrid Emergency Veterinary Service for care manatang padagos na pighahanap kan mga otoridad an may-sadiri sa kambing.
