Natapos na an kampanya kan Filipinas sa 2025 AFC Women’s Futsal Asian Cup.
Ini an makalihis na daugon kan Australia sa score na 2-1 sa qualifier sa kawat na pigkundusir sa Tashkent, Uzbekistan.
Igwa sindang kabilugang duwang kapangganahan, sarong draw asin sarong daog sa pitong puntos sa Group C. Nangenot sa grupo an Australia na naipagana an gabos kan apat na kawat.
Sulamente si Halle Smit an nakakurit nin puntos sa Pilipinas mantang sa Australia sinda Daisy Arrowsmith asin Jessica Au.
Hahalaton pa kan Pilipinas an ibang mga resulta tanganing maaraman kun sisay an maabante sa actual tournament na gigibuhon sa China sa Mayo.
