Tinapos kan China an kampanya kan Pilipinas sa women’s double tennis kan 20th Asian Games na ginibo sa Aichi-Nagoya, Japan, matapos daogon ninda Jiang Xinyu asin Yang Zhaoxuan an Filipina tandem nina Alex Eala asin Shaira Rivera sa sarong straight-set victory na 7-5, 6-2.
Naging dikit an laban sa enot na set, kun sain parehong nagribayan nin puntos an duwang pares.
Nakakua nin momentum an Chinese duo sa huring parte kan set tanganing makua an enot na set, 7-5.
Paglaog kan ikaduwang set, nagkaigwa nin magagayon na rally an laban, alagad nahawakan kan China an momentum sa huring parte kan laban asin tuluyang isinara an laban, 6-2.
Ini an ikaduwang laban nina Eala asin Rivera sa women’s doubles matapos nindang daogon an Hong Kong pair na sina Lai Ching Laam asin Kallist
a Liu, sa score na 6-1, 6-3, sa opening round.
