Nagsumiter an kampo ni dating Presidente Rodrigo Duterte nin pinag-ibang report gikan sa mga kinua nindang medical experts.
Sigun sa abogado kan dating Presidente na si Nicholas Kaufman, na an lakdang an komo suporta sa pahayag ninda kan tunay na kamugtakan kan salud kan 80-anyos na dating Presidente asin kun kaipuhan na ining palibrehon gikan sa pagkakakulong kan International Criminal Court (ICC) facility.
Sa 12-dahong report na isinumiter ninda sa ICC Pre-Trial Chamber I na nagsabing an bilog na medical evidence an komo pagsuporta sa Pre-Trial Chamber sa salud kan dating Presidente para sa paghampang kaini sa pagdangog.
Nakasaysay man sa joint report na an dating presidente an nagkukulang nin executive functioning, nagsapo man nin kakulangan nin kapasidad na magplano, kulang man sa marekas na pagdesisyon, nagkukulang sa kusog sa pisikal asin mayong abilidad na likayan an pagbabantay.
Huli digde, mayo man kakayanan an dating Presidente na bantaan an mga witness asin rautan an integridad kan imbestigasyon.
Pighagad ni Kaufman na dapat, pag-adalan na kan Pre-Trial Chamber an pag-apruba kan interim release ni Duterte huli sa nasambitan ng mga kondisyon kan dating presidente.
Marurumduman kan nakalihis na Disyembre 5, 2025 nagtalaga an ICC nin panel of experts na masuri sa salud kan dating Presidente kun igwa ba ining kakayanan na mag-atendir sa pagdangog kan saiyang kaso.
Nakakulong an dating presidente huli sa kasong crime against humanity gikan sa kampanya kaini kontra sa iligal na droga kan ini an Presidente kan nasyon siring man kan ini alkalde sa Davao City.
