Nag apelar an kampo ni Kingdom of Jesus Christ (KOJC) founder Apollo Quiboloy sa administrasyong Marcos na pabayaan an mga korte sa nasyon na magdesisyon sa saiyang mga kaso antes na magdesisyon dapit sa kahagadan kan Amerika para sa saiyang extradition.
Sigun sa abogado ni Quiboloy na si Atty. Israelito Torreon, pigbibisto kan saindang kampo na nasa discretion kan estado kun tutugutan o dae si Quiboloy na ma-extradite sa US dawa na nakabinbin pa sana o napagdesisyunan na an kaso kontra sa saiya sa irarom kan extradition treaty sa pag-ultanan kan duwang nasyon.
Naenot nang kinumpirmar ni Philippine Ambassador to US Jose Manuel Romualdez na hinagad kan US an extradition ki Quiboloy. Kapot na soboot kan lado kan DOJ an mga dokumento o ebidensiya para sa extradition request magpuon pa kan nakalihis na Hunyo.
Alagad sigun man ki Atty. Torreon, nakatalaan pa sana nindang maresiber an mga dokumento na may koneksyon sa extradition request kan US.
Enkaso man na nag-request talaga an Amerika para sa extradition kan pastor, igagalang kan saindang kampo an.prerogatibo kan US sa nasambitan ng lakdang salig sa extradition treaty sa Pilipinas.
Pag abot man sa posibleng paghagad kan US sa provisional arrest ni Quiboloy, dae pa ini kaipuhan sa ngunyan huli ta presenteng nasa kulungan si Quiboloy mantang nag hahalat nin resolution sa saiyang motion for reconsideration sa pagsayuma sa saiyang petisyon na makapaglagak na piyansa.
