Haros limang beses an dakol nin sulfur dioxide na ibinubuga kan Bulkang Kanlaon kan nakalihis na Domingo kumparar kan mga nakalihis na aldaw, basado pa sa 24-hour monitoring kan Philippine Institute of Volcanology and Seismology (Phivolcs).
Sinaysay kan Phivolcs na an nasambitan ng bulkan an nagluwas nin 3,683 tonelada kan sulfur dioxide kan nakalihis na Dominggo, sarong makabuluhang paglangkaw gikan sa 703 tonelada kan nakalihis man na Sabado.
An bulkan an nagkaigwa man nin 11 volcanic earthquakes kan Dominggo, kumparar sa apat kan Sabado. An bulkan, na nasa pag-ultanan kan Negros Oriental asin Negros Occidental, an nagtitinir na nasa alert level 2.
Kaya man, ipinagbabawal kan Phivolcs an paglaog sa four-kilometer radius permanent danger zone asin man mga flight sa palibot kan nasambitan ng bulkan.
Pinatanidan man kan Phivolcs an mga kataraid na residente sa mga posibleng peligro siring na sana kan phreatic eruptions asin precursory magmatic activity.
61 pamilya an nagtitinir sa mga evacuation tent nin labi sa walong bulan makalihis mag putok an bulkan kan nakalihis na Disyembre 2024, asin nakapuli kan nakalihis sanang Agosto 14 presenteng taon.
Pigtawan sinda nin go signal makalihis ibaba an alert level kan bulkan sa nasa 3 hasta 2 kan nakalihis na Hunyo 29.
Antes kaini, poco mas o menos 1,500 residente kan La Castellana, Negros Occidental na nag istar sa laog kan anom na kilometrong expanded danger zone an inihatod papuli nin mga lunadan kan gobyerno kan Agosto 1 mantang poco mas o menos 1,400 residente kan Canlaon City, Negros Oriental an nagpuli man kan nakalihis na Hulyo 31
