Nakakua nin panibagong freeze order an Anti-Money Laundering Council (AMLC) gikan sa Court of Appeals katakod pa man sa nagpapadagos na imbestigasyon sa maanomalyang flood control projects.
Sigun sa AMLC, saklaw kan ika-limang freeze order an mga dugang na bank accounts na pigkokonektar sa mga persons of interests partikularmente an sarong kompanya na ginagamit soboot sa implementasyon kan ghost projects.
Sigun ki AMLC Executive Director Atty. Matthew David, importante an pagpapautob nin freeze order tangani mapakusog an pagtukoy sa mga ebidensiya asin man masierto na dae maitatago an mga kwarta na nakua sa iligal.
Sa ngunyan, mapakol na sa labi sa ₱4.4 billion an kantidad nin mga ari-arian na pigbugtak sa freeze order.
Kinababalihan ini kan 1,632 bank accounts, 54 insurance policies, 163 na lunadan, 40 na real properties asin 12 e-wallet accounts.
Nilalaomang malangkaw pa ini sa pagpapadagos kan imbestigasyon.
