NAGA CITY – Dae kaulangan an kapagteosan asin kakulangan sa edukasyon sa pagigin sarong matibay na public servant.
Sa entrevista kan Bombo Radyo Naga ki Ruben Limbo Barangay kapitan kan Pacol sa siyudad nin Naga, sinaysay kaini na sa saiyang serbisyo asin kan pag-iribang opisyal maabot an panahon na mayo na nin mga tawo an malakaw sa dalnak orog na an mga kaakian.
Sa ngunyan haros 80% nauutob na an programang ini na igwang obheto na ag-abot kan panahon mayo na nin malakaw sa dalnak na mga tawo sa nasambitan ng Barangay.
Pigheras kan opisyal an saiyang kamawotan na makatabang sa iba.
Mientrastanto an pagigin Barangay opisyal bakong pribilehiyo kundi ini sarong serbisyo.
An pagigin opisyal dapat aram man soboot an tama asin sala enot na diyan an kaaraman pag-abot sa ley huli ta masakit magin opisyal kun mayong aram sa siring kaini.
Dugang pa digde, na an pagigin mahigos na lider man dae nababase sa edukasyon tanganing magserbe huli ta komo opisyal kan nasambitan nag Barangay pigsisierto kaini na magigin ining malalaoman na opisyal kan nasambitan ng Barangay.
