Nagin matrayumpo an debut kan rookie coach sa PBA makalihis na pangenotan kaini an kapangganahan kan Magnolia sa 80-73 kontra Barangay Ginebra.
An trayumpo ni Tenorio kontra sa dating koponan asin mentor na si Tim Cone nagpapahiling kan saiyang paglalapigot sa nasambitan ng ladangan.
Katakod kaini, makalihis an saindang matrayumpong kapangganahan pigsaysay kan rookie coach na dae sinda pwedeng magin kampante.
Marurumduman, duwang bulan pa sana si Tenorio komo coach kan italaga ini kan San Miguel Corp. tanganing pangenotan an Magnolia na sabik na tapuson an pitong taong tagtuyot sa kampeonato.
Nagpahiling an Magnolia nin matatag asin agresibong depensa na dating tatak sa irarom ni Chito Victolero.
Mientrastanto, si Zavier Lucero nagpadagos sa saiyang magayon na kawat puon kan nakalihis na season, mantang si Javi Gomez de Liaño tolos nagpahiling nin gilas sa enot na kawat komo parte kan Hotshots.
