Ipina-re-review ni Senator Kiko Pangilinan sa Senado an sakop na tungkulin asin kapangyarihan kan National Food Authority (NFA) asin man an pigbubusol kaining pag-amyenda sa Rice Tariffication Law (RTL).
Tinukoy ni Pangilinan sa Senate Resolution No.10 na bigo an RTL na ihatod an promisa kaini sa mga Pilipino na ibaba an presyo nin pagkakan partikular an presyo nin bagas sa nasyon.
Ipinunto pa sa resolusyon na an RTL an nagpalimitar sa tungkulin kan NFA partikular an buffer stocking para sa emergency asin disaster relief.
Nakabugtak sa resolusyon na may pangapudan gikan sa manlaen-laeng sektor kaiba an mga paraoma asin consumer advocates tangani i-reevaluate an papel kan NFA asin man an posibleng pagbabalik kan importanteng tungkulin kaini tangani magkaigwa nin epektibong paglangkaw sa suplay kan bagas asin matatag na presyo kaini.
Nagtutubod an senador na sa irarom kan mas pinakusog na NFA, ini an maresulta sa mas proactive na price stabilization program; masisiguro an matatag asin baratong suplay nin bagas; mapalangkaw nin buffer stock na tulos makakasimbag sa kakulangan nin suplay asin emergencies; makapagtao nin patas na farmgate prices na dakulang tabang para sa mga local farmers; asin man pangontra kontra sa mga pang-aabuso siring man hoarding; profiteering; asin cartel practices kan mga abusadong traders.
