Pighurot ni House Prosecution Panel Spokesperson Atty. Antonio Audie Bucoy na may hangganan o limitasyon an kapangyarihan kan Senate impeachment court.
Reaksyon ini ni Bucoy sa pahayag ni Senate President Francis Escudero na may mahewas na katalingkasan an Senado, komo impeachment court, katakod sa pwede kaining gibuhon sa Articles of Impeachment na isinumiter kan Kamara.
Duon ni Bucoy, an awtoridad kan Senado an dapat nakabase sa limitasyong pigtalaan kan Saligang Batas asin sa impeachment rules kaini.
Dugang pa ni Bucoy, dapat nakabase man sa konstitusyon an sinaysay ni Escudero na deskresyon kan Senado sa pagbilog kan sadiri kaining panundunan.
Mientrastanto, binanggit ni Bucoy na plano man kan House prosecution panel, na magsumiter kan mga kaukulang pleading sa impeachment court sa mga masunod na aldaw.
