NAGA CITY – Pigeksplikar kan pamayuhan kan Sipocot Municipal Police Station an rason kun tanu mga naka motorsiklo an karaniwang nasisita sa mga checkpoints.
Sa entrevista kan Bombo Radyo Naga ki Police Executive Master Sergeant Andres Huerte, MESPO kan Sipocot Municipal Police Office, sinaysay kaini karaniwan kaya na igwa nin mga bayolasyon an mga naka motor kaya kaipuhan nindang sitaron.
Karaniwan kaya soboot sa mga nakamotor an driver igwa nin sulot na helmet mantang an backride mayo kaya pigpapara asin pigsisitar ninda an mga ini sa checkpoint.
Dugang pa kan opisyal na igwa man nin mga drivers na mayo nin respeto dawa na nahiling na igwa nin checkpoint an durudiretso sana asin dae lamang magtaong kortesiya.
Katakod kaini liwat man na pigtawan duon kan opisyal na dae sinda nagpipili nin paparahon sa mga checkpoints asin gabos na igwa nin bayolasyon an saindang sisitaron.
