Aram baya nindo mga ka-bombo, piglalapigutan kan mga kapulisan sa Michigan na mahanap an may-sadiri kan sadit alagad maboot na orig na nadakop na basay-basay sa Saginaw Township.
Sigun sa Saginaw Township Police Department, an orig na igwang gabat na nag-aabot sa 20-pound an nagdulok sa mga residente na nagpapala nin snow sa area kan Lawndale Estates mobile home park.
Katakod kaini, pigsaysay man ni Sgt. Brian Anderson na an nasambitan ng orig an pigtutubudan na ataman kan sarong pamilya na an harong harani sa lugar.
Pigsaysay pa kan opisyal na parong Vanilla an orig kun kaya sierto ninda na pig-aataman ini nin marhay.
Sa ngunyan, an orig an yaon sa pangangataman kan Saginaw County Animal Control mantang padagos na pighahanap an maysadiri kaini.
