NAGA CITY– Gadan an sarong karpentero makalihis mayong herak na pagsasaksakon sa manlaen laen na parte kan saiyang lawas sa Barangay Bacungan, Lopez, Quezon.
Binisto an biktima na si Telesforo Geruela, 59-anyos.
Sa nakuang impormasyon kan Bombo Radyo Naga, napag-araman na makalihis magbaba sa motorsiklong minamaneho ni Kagawad Rogelio Alano si Geruela kan biglang magdulok an suspek na si Ronald Gallano na armado nin patarom.
Sa dae pa maaraman na rason, pinagsasaksak ni Gallano sa manlaen laen na parte kan saiyang lawas an biktima hasta sa magadan.
Sa ngunian, nagpapadagos pa an imbestigasyon kan mga otoridad mantang pinaghahanap naman an suspek na tulos nagdulag makalihis an insidente.
