Karpintero irido makalihis na badilon sa Camarines Sur

NAGA CITY- Nagsapo nin lugad sa saiyang likudan an sarong karpintero makalihis badilon kan dae pa nabibistong suspek sa Sitio, Sintorisan, Barangay GRS, Ragay, Camarines Sur.

Binisto an biktima na si Noli Torres, 46 anyos.

Sa nakuang impormasyon kan Bombo Radyo Naga, napag-araman na pababa sana sa bus si Torres kan bigla ining pagbabadilon kan sarong dae pa nabibistong suspek na tulos man na nagdulag makalihis an insidente.

Nagsapo nin lugad sa saiyang likod an biktima kun saen nakua pa kaining magdalagan para maghagad nin tabang na tulos man na pigsugod sa ospital para maipabulong. ipagamot.

Sa ngonyan, nagpapadagos pa nanggad an imbestigasyon kan mga otoridad para sa posibleng pagkakabistuhan asin pagkakadakop sa nagdulag na suspek.