Kaso kan carnapping sa bansa nagbaba – HPG

Kaso nin carnapping sa nasyon nagbaba sa enot na duwang bulan kan taon.

Susog sa report kan Philippine National Police Highway Patrol Group (PNP HPG), nagkaigwa nin 14.25 porsyento na pagbaba sa mga naikurit na kaso poon Enero sagkod Pebrero ngonian na taon.

Sinabi man kan tagapagtaram kan HPG na si Lt. Nadame Malang na igwa nin 391 na carnapping incidents na naitala puon Enero 1 hasta Pebrero 28.

Mas hababa ini kumpara sa 456 na insidente na naitala sa parehong bulan kan 2025.

Saro sa mga rason kan pagbaba kaini an pinakusog ninda na mga checkpoint asin intelligence operations.