Liwat naikurit sa Australia partikularmente sa kanluran na parte kan Australia an paglngkaw kan numero kan mga pigtamaan kan Covid-19 na omicron variant kun saen naikurit an 75 nahahawas asin pigdadara sa ospital araaldaw.
Basado sa surveillance data kan health department sa Australia pinaghahaditan kaini an paglangkaw kan kaso nin Covid-19 ngunyan na maabot na holiday season na iyong nagdadara nin takot sa numero kan saindang health workers kun soboot maglala an sitwsyon.
Kaya abiso kan mga awtoridad na pirming magsulot nin facemask sa matatawong lugar asin kun igwang helang man an pig-abisuhan na magtinir na sana saindang mga harong.
Pig-enkaminar man an publiko na mag ‘self-isolate’ kun makakaeksperyensiya kan mga mild symptoms.
An marekas na ulakitan na naeeksperyensiyahan kan ibang mga Aussie o Australian sa Covid-19 an bunsod soboot kan pagluya kan saindang immune system.
Mientrastanto, pig-enkaminar man kan health department kan Australia an publiko na magpa booster shot an nasa edad na 64-74 anyos kan kada 12-bulan maski pa igwa o mayong malalang namamatean.
Mantang an nasa edad na 18-64 anyos man na mayong namamatean na malala an pwedeng magpakuna kada 12-bulan.
Para sa edad 5-17 anyos na igwang severe immunocompromise an pwedeng magpa bakuna man kada 12-bulan.
