NAGA CITY- Naglangkaw an kaso kan HIV sa siyudad nin Naga kan nakalihis na 2023. Sa entrevista kan Bombo Radyo Naga ki Ma. Grace Guevarra, RMT- Medical Technologist II, sinaysay kaini na kan taong 2022 nakapagrehistro nin nasa 75 na kaso kan HIV mantang nagpakol man sa nasa 104 na kaso kan 2023.
Pag-abot man ngunyan na taong 2024 sa nakalihis na tolong bulan, nakapagkurit nin nasa 47 bagong kaso an nairehistro.
Sigun pa ki Guevarra, sa nasambitan ng numero, haros kadaklan an gikan sa sektor kan mga kalalakihan. Alagad pigreport man kan opisyal na nanutaran na naglalangkaw man an kaso kan mga kababaihan na nagkakaigwa kan nasambitan ng helang.
Katakod kaini, tangani soboot na masimbagan an problema, dagos-dagos an saindang pigsasagibong lakdang siring kan pagpasiring kan sa mga barangay tanganing magtao nin magkakanigong impormasyon sa publiko orog na sa mga kajovenan dapit sa siring na helang.
Sa ngunyan, pig-enkaminar na sana ni Guevarra an gabos na dae masupog na magpasiring sa saindang opisina tanganing magpakonsulta tanganing malikayan an paglala kan anuman na kahelangan.
