NAGA CITY- Pigbasol kan sarong opisyal kan Lupi Fire Station an madiklom na parte kan nagkapirang tinampo sa saindang lugar an mga naiirehistrong mga vehicular accidents sa lugar.
Sa entrevista kan Bombo Radyo Naga ki SFO3 Jimbo Naron, Chief Emergency Medical Service kan Lupi, Camarines Sur, sinaysay kaini na may mga parte kaya an saindang tinampo an madiklom asin mayong ilaw.
Saro pa sa mga rason an huli sa pagdadrive nin nakainom nin arak na kadalasang nagkakawsa nin aksidente.
Katakod kaini, mas orog na pinahigot kan kapulisan an saindang kampanya asin pagpapagirumdom sa mga drivers dapit sa salbadong pagdadrive.
Dae man soboot sinda nagpupundo sa pagpapagirumdom sa mga ini orog na pag-abot sa pagdadrive toyong banggi orog na kun dae gayong pamilyar sa tinampo tanganing malikayan an aksidente.
Pagirumdom pa kan opisyal perming siertohon na nasa marhay na kondisyon an mga piggagamit na behikulo antes na maghali.
