Nagpakol na sa 7,000 an bilang kan mga tinamaan nin Ebola virus sa Democratic Republic of the Congo (DRC), na pigkokonsiderar na pinakagrabeng outbreak kan nasabing helang sa saindang kasaysayan, susog sa lokal na gobyerno kan Congo.
Sa 7,022 na aktibong kaso nin Ebola, nairehistro na 3,398 an bilang kan mga nagadan, mantang sa presente, 837 katawo an pigbubulong.
An nasabing outbreak kawsa kan Bundibugyo variant kan nasabing virus, an ika-17 kaining epidemya na nagpoon sa norte-subangan na parte kan Ituri province kan DRC.
Nairehistro man na naglakop an nasabing virus sa nagkapirang rehiyon kan nasyon, partikular sa mga rehiyon na lakop an mga armadong grupo kun sain bakong sapat an kakayahan kan mga ospital asin kan gobyerno sa lugar.
Kinakarkulong 15,000 katawo na an nagadan huli sa Ebola sa nakaaging limang dekada sa Africa.
Nakukua kaini sa paagi kan contact sa mga bodily fluids.
Kaiba sa mga komplikasyon na kawsa kan helang an severe internal asin external bleeding, asin organ failure.
Sa presente, mayo pa nin aprubadong bulong o vaccine kontra Ebola, alagad padagos an pagsaliksik kan mga eksperto para sa tamang bulong digdi.
