NAGA CITY- Nahahandal ngonyan si Ako Bicol Partylist (AKB) Rep. Rodel Batocabe na tibaad dagos na maibasura an isyu kan pagkakadiskubre sa mega shabu laboratory sa probinsya nin Catanduanes.
Sa entrevista kan Bombo Radyo Naga ki AKB Partylist Rep. Rodel Batocabe, nagpahayag ini nin panghihinayang sa nasambitang kaso huli ta kulang suboot sa susbtansya an mga ebidensyang piglatag kan mga resource persons sa ginibong committee hearing laban sa kontrobersyal na shabu lab.
Dapat na nagtipon muna suboot nin bastante, matibay asin maninigong mga ebidensya para maidudo sa alegasyon an mga taong pigkokonektar sa nasambitang laboratory.
Mientrastanto, pigbuyagyag man kan lehislador na kabale sa mga ipapaapod sa sunod na pagdangog an mga opisyal kan Philippine Drug Enforcement Agency (PDEA) asin an Police Regional Office (PRO5) sa pangengenot ni dating regional director PC/Supt. Melvin Buenafe huli sa nahiling suboot na pagkukulang kan mga ini sa pag-iimbestigar sa isyu.
