NAGA CITY- Nasangatan na nin kaso kan Philippine National Police (PNP) sa banwaan nin Presentacion, Camarines Sur an suspek sa panggagadan ki Judge Ricky Begino, presiding judge kan MCTC San Jose-Lagonoy na nangyari kan nakaaging Martes.
Sa impormasyong ipinaabot sa Bombo Radyo Naga ni PS/Insp. Bernardo Peñero, hepe kan PNP Presentacion, sinaysay kaini na pigsairarom na suodma sa inquest proceedings asin pigsangatan nin kasong murder an suspek na si Wilfredo Armea makalihis na boluntad na nagsuko sa mga otoridad.
Marurumduman na alas-8:40 nin banggi kan Martes kan pagbabadilon ni Armea si Judge Begino mantang nakatukaw ini sa hampang mismo kan saindang harong sa barangay Sta Maria.
Suodma man nin aga kan boluntaryong nagsuko sa PNP an 70-anyos na suspetsado asin sinaysay na huli sana sa iwal sa daga an rason kun tano niya ginadan an nasambitang biktima.
