Pig-ibakwar an pitong paratukdo na Pilipino sa Anchorage, Alaska makalihis magliyab an saindang eskwelahan sa St. Michael Island sa Stebbins. Nasulo an Tukurngailnguq School kan Hulyo 26 nin bangi.
Basado sa mga nakahiling, nakadangog soboot nin pagsabog kasabay kan pagliliyab kan school buildings. Basado sa inisyal na imbestigasyon kan mga otoridad, nagpuon an kasulo sa boiler room. Pigpurbaran kan mga paratukdong Pilipino na apulahon an kasulo gamit an fire extinguishers, alagad marekas na nagkuriyat an kasulo huli sa makusog na duros sa lugar.
Nasulo an siyam na school district buildings, kabali na an pig-iistaran kan pitong Filipino teachers na nagtutukdo sa lugar. Salbado man na nakahali nin edifico an tolong paratukdo kan mangyari an kasulo mantang an apat an nasa bakasyon kan mangyari an insidente. Dugang pa ni Jazo, mayong naisalbar na gamit an pitong paratukdo na Pilipino, asin dinara sila sa Anchorage.
Nagtao man nin staffing agency kan financial support sa apektadong Filipino international teachers asin pigtawan asistensiya an mga ini.
Pinairal na ni Alaska Governor Mike Dunleavy an public assistance program kan estado tanganing tabangan an mga apektado asin mapakarhay tolos an school buildings, na sulamenteng educational facilities para sa komunidad sa Stebbins.
