NAGA CITY– Gadan an sarong lola makalihis makabale sa natumtom na harong kaini sa Barangay Gulang-Gulang, Lucena City.
Binisto an biktima na si Mercedita Bautista, 62-anyos.
Sa nakuang impormasyon kan Bombo Radyo Naga, napag-araman na narisa na sana kan mga pagtaraid na harong na nasusulo na an residensya ni Bautista kunsaen marikas na naglakop an kalayo.
Katakod kaini, tulos na nagresponde an mga tauhan kan Bureau of Fire Protection (BFP) sa lugar para mapugulan na an pagparadakula pa kan kalayo.
Alagad makalihis ideklarang fire out, nahiling na sana an bangkay kan nasambitan ng biktima.
Mientrastanto, kinakarkulong nasa P200,000 an kabilugang kantidad kan danyos na winalat kan nasambitan ng kasulo.
