Kasulo sa Ski Resort nagpuon soboot sa champagne sparkles – Swiss authorities

Nagluwas an mga otoridad sa Switzerland kan saindang inisyal na rason kan pinagpuonan kan dakulang kasulo sa sarong ski resort na ikinagadan kan 40 katawo asin ikinairido kan labi 119 na iba pa.

Sigun ki chief prosecutor Beatrice Pilloud na pwedeng nagpuon an kasulo sa sarong champagne sparkles na naibalyo sa kisame kan Le Constellation bar sa Crans-Montana.

Nahiling ninda an anom na bote na igwang nakasulong sparkles na pwedeng ilinangkaw na nagin rason kan kasulo.

Nakaulay na man kan mga otoridad an mag-agom na French na may kansadiri kan bar asin sinda an nakikipagtabangan sa imbestigasyon.

Padagos man an piggibong imbestigasyon kan mga otoridad sa nangyaring kasulo.