Katawan ng isang lalaki, natagpuang patay sa Quezon; bangkay ng biktima, naaagnas na
NAGA CITY – Patay na ng matagpuan ang katawan ng hindi pa nakikilalang lalaki matapos na malunod sa Polillo, Quezon.
Sa nakalap na impormasyon ng Bombo Radyo Naga sa Quezon Police Provincial Office, napag-alaman na nakatanggap ng impormasyon ang mga otoridad galing sa Barangay Chairman na kinilalang si Robert Jamison Rivas ng Barangay Balesin sa nasabing lugar tungkol sa nasabing insidente.
Sa nakalap na impormasyon ng mga otoridad, napag-alaman na tinatayang nasa 5’7” ang tangkad ng biktima at napag-alaman rin na wala itong suot na damit at naagnas na rin ang bangkay nito.
Sa ngayon, patuloy pa rin ang isinasagawang imbestigasyon ng mga otoridad.
